Войти через

  • 04:04:02
  • 6°C

Вторник, 07 апреля$ 439.01  € 474.61  ₽ 5.75

 

Жаңалықтар

Алматы облысында су тасқынына дайындық пысықталды

25-26 ақпанда Алматы облысында «Көктем-2020» республикалық командалық-штабтық оқу-жаттығу өтті. Оқу-жаттығу шеңберінде 12 ақпаннан бастап облыстың барлық аудандары мен қалаларында облыстың 40 су тасқыны қауіпті учаскелерінде тәжірибелік іс-әрекеттерді пысықтау бойынша арнайы-тактикалық оқу-жаттығулар ұйымдастырылып, өткізілді, деп хабарлайды TINFO.KZ. «Оқу-жаттығу барысында авариялық-құтқару құрамаларының, шұғыл әрекет ету жасақтарының, облыстың азаматтық қорғау қызметтерінің, ТЖД, ДП және Ұлттық гвардия бөлімшелерінің, Қазселденқорғау және Апаттар медицинасы орталығының көктемгі су тасқыны кезеңіне дайындығы тексерілді, сондай-ақ көктемгі кезеңде ТЖ туындаған жағдайда жергілікті атқарушы органдардың өзара іс-қимылы пысықталды», - деп атап өтті департаментте. Облыс бойынша оқу-жаттығуға 3553 адам және 1969 бірлік түрлі мақсаттағы техника жұмылдырылды. Оқу-жаттығудың ойына сәйкес, ауа температурасының күрт көтерілуі және жауын-шашынның көп түсуі нәтижесінде Қаратал өзеніндегі су деңгейінің күрт артуы орын алды, нәтижесінде «Сары-Арқа»" саяжай қоғамы ауданындағы өзеннің жағалау жиегінің шайылуы мен құлауы орын алды, 11 тұрғын үйді су басты, сондай-ақ өзендегі су деңгейінің артуы нәтижесінде Қаратал өзені арасындағы аралда 6 адам (балықшылар) қалды, олар қатты ағыстың салдарынан өз бетімен жағаға шыға алмайды. ТЖД құтқарушылары, балық аулау әуесқойлары «Шаман» үрлемелі қайық пен жоғары өтетін «Шаман» техникасының көмегімен жағаға жеткізілді, оның ішінде 15 бала, су басқан үйлерден эвакуациялық пунктке көшірілді, өзен арнасының түбін тереңдету және жағалауды бекіту жұмыстары жергілікті атқарушы органдардың инженерлік техникаларымен жүргізілді. (adsbygoogle = window.adsbygoogle || []).push({}); Оқу-жаттығуға жеке құрамның 41 техникасы мен 124 адамы жұмылдырылды. Аталмыш оқу-жаттығу нақты уақыт режимінде командалық-штабтық машинадан (КШМ) Нұр-сұлтан қаласындағы республикалық оқу-жаттығу штабына көрсетілді.     Фото: Алматы облысының ТЖД баспасөз қызметі.  

Іле ауданында екі мектеп салынып жатыр

Алматы облысының Іле ауданында екі мектептің құрылысы жүріп жатыр. Бірі 900 орынға, екіншісі 600 орынға арналған, деп хабарлайды TINFO.KZ. Бұл туралы әлеуметтік желідегі парақшасында аудан әкімі Бағдат Қарасаев хабарлады. Екі мектеп те Қараой ауылдық округінде салынуда. Біріншісі - Қараой ауылындағы 900 орындық мектеп.  Екіншісі - Қосөзен ауылындағы 600 орынға шақталған мектеп. Құрылысы енді басталған. «Бұл ретте айта кетерім, елімізде төтенше жағдай орын алғанымен әлеуметтік маңызы бар нысандардың құрылысы тоқтамауы тиіс! Ондағы басты талап санитарлық нормаларды сақтау. Бұл шаралар өз кезегінде қатаң ескертілді!», - деп жазды аудан басшысы. (adsbygoogle = window.adsbygoogle || []).push({}); View this post on Instagram Үш ауысымды мектептерді азайту үшін Қараой ауылдық округінде 2 мектеп салынып жатыр. Күні кеше құрылыс барысын тексеріп шықтым. Аталған оқу орындарының бірі - Қараой ауылындағы 900 орындық мектеп. Бүгінде 40 адам жұмылдырылып, құрылысы қарқынды жүріп жатыр. Екіншісі Қосөзен ауылындағы 600 орынға шақталған мектеп. Құрылысы енді басталды. Бұнда да 40 адам еңбек етуде. Осыған орай, келер жылы Қараой а/о бөбектері су жаңа мектепке қадам басады деп жоспарлануда. Бұл ретте айта кетерім, елімізде төтенше жағдай орын алғанымен әлеуметтік маңызы бар нысандардың құрылысы тоқтамауы тиіс! Ондағы басты талап санитарлық нормаларды сақтау. Бұл шаралар өз кезегінде қатаң ескертілді! A post shared by Бағдат Қарасаев (@bagdat.karasaev) on Apr 5, 2020 at 9:44am PDT Фото: Интернет.Видео: Іле ауданының әкімдігі.

Алакөлде тәулігіне 1000 бетперде тігетін цех жұмыс істейді

Алматы облысы Алакөл ауданының Жыланды ауылдық округінде тәулігіне 1000 бетперде тігетін цех іске қосылды, деп хабарлайды TINFO.KZ. Тігін цехы «Ауыл өнері» деп аталады. Мұнда 15 адам тұрақты жұмыспен қамтылған. Цех бетпердемен ауыл тұрғындарын ғана емес, жақынды-алысты ауылдарды да қамтып отыр. Тәулігіне 1000 дана бетперде шығарады. Сондай-ақ, қосымша тапсырыстар да түсуде. (adsbygoogle = window.adsbygoogle || []).push({}); Фото: Алакөл ауданының әкімдігі.

42500 теңге төлемді қалай алуға болады

42500 теңге әлеуметтік төлем алу үшін өтінім беруге арналған жаңа бот іске қосылды, деп хабарлайды TINFO.KZ. Ол үшін Telegram мессенджеріне кіріп, іздеу жолағына @Help42500Bot деп жазып, «Start» батырмасын басу қажет. Өзін-өзі жұмыспен қамтыған азамат үшін: 1.«Өзін-өзі жұмыспен қамтушы» батырмасын басу;2. Өзінің ЖСН енгізу;3. Электронды пошта адресін енгізу;4. Телефон нөмірін енгізу;5. Банктік шот нөмірін енгізу (IBAN);6. Өтінішті растау;7. Бұдан кейін келесі мазмұнда хабарламалар келеді:-сіздің өтініміңіздің қабылданғандығы туралы;-сіздің өтініміңіздің тіркеу нөмірі;-сіздің өтініміңізді өңделгені туралы жауап. Қызметкер үшін: 1.«Қызметкер» батырмасын басу; 2.Өзінің ЖСН енгізу; 3.Жұмыс істейтін ұйымның БСН-ын енгізу; 4.Электронды пошта адресін енгізу; (adsbygoogle = window.adsbygoogle || []).push({}); 5.Телефон нөмірін енгізу; 6.Банктік шот нөмірін енгізу (IBAN); 7.Өтінішті растау; 8.Бұдан кейін келесі мазмұнда хабарламалар келеді: -сіздің өтініміңіздің қабылданғандығы туралы; -сіздің өтініміңіздің тіркеу нөмірі; - сіздің өтініміңіздің өңделгені туралы жауап.Еске салсақ, 42 500 теңге өтемақы — бұл коронавирус инфекциясының пандемиясына байланысты табысынан айырылған жұмыс істейтін азаматтарға берілетін төлемдерАтап айтқанда, карантин жарияланған қалалардағы жалдамалы қызметкерлер мен өзін-өзі жұмыспен қамтығандар (Жеке кәсіпкерлер, АҚС, ЖК, БЖТ төлеушілер). ТЖ жарияланғанға дейін соңғы 12 ай ішінде кем дегенде бір әлеуметтік аударымының болуы жеткілікті.  Формалды емес, бейресми өзін-өзі жұмыспен қамтығандар Бірыңғай жиынтық төлем (БЖТ) төлесе жеткілікті.Бұл әлеуметтік төлем БЖТ төлеушілерді қоспағанда, төтенше жағдай енгізілген күнге дейін 12 ай ішінде міндетті әлеуметтік сақтандыру жүйесіне кем дегенде бір ай да қатыспаған адамдарға тағайындалмайтынын атап өтеміз. Дереккөз: ҚР Цифрлық даму, инновациялар және аэроғарыш өнеркәсібі министрлігі, Мемлекеттік комиссияның шұғыл штабы.

Әскери қызметшілер Алматы көшелерін зарарсыздандыруда

Алматыда Қарулы Күштердің әскери қызметшілері көшелерді, ғимараттарды және қоғамдық орындарды жаппай зарарсыздандыру жұмыстарын жалғастыруда, деп хабарлайды TINFO.KZ. Жеке зарарсыздандыру жиынтықтарымен бүрку сынды дәстүрлі зарарсыздандыру әдісінен бөлек бұл жолы әскери қызметшілер АРС-14  автоқұйылмалы станциялары арқылы көбікпен зарарсыздандыру жұмыстарын жүргізді. Қаланың 30% көшелері арнайы жуу-зарарсыздандыру ерітінділерімен көпіршіте жуылды. «Арнайы зарарсыздандыру ерітінділері ғимараттарды, қоғамдық орындар мен көшелерді зарарсыздандыруға арналған. Химиялық белсенділігіне қарамастан бұл ертінді адамдар мен қоршаған ортаға зиянсыз, аллергия шақырмайды. Осы күнге дейін біздің арнайы бөлімше 1500 астам нысандарды зарарсыздандырды, бұл жұмысқа 500 адам тартылды», - деп атап өтті Радиоэлектроника және байланыс әскери-инженерлік институты бастығының орынбасарсы подполковник Дархан Үмбетов. Қаладағы зарарсыздандыру жұмыстарына Алматы гарнизоны бойынша барлығы 2000-ға жуық әскери қызметшілер тартылған. Бүгінгі күнге дейін арнайы бөлімшелер қала бойынша мектептер, балабақшалар, балалар алаңқайлары, аялдамалар, емханалар және терминалдар сынды көлемі 5 млн 138 002 м2 құрайтын 465 нысанында зарарсыздандыру жұмыстарын жүргізді. (adsbygoogle = window.adsbygoogle || []).push({}); Іс-шараларды жүргізу үшін жеке құрам арнайы техникамен, газсыздандыру қорғаныс жиынтығымен және зарарсыздандырушы ерітінділермен қамтамасыз етілген. Карантин режимін қамтамасыз ету шаралары аясында Қарулы Күштердің әскери қызметшілері көшелерде жаяу патрульдеуге және қаланы айнала қоршай қойылған блокбекеттерде қызмет атқарып жүргендерін атап өткен жөн. Фото: Радиоэлектроника және байланыс әскери-инженерлік институтының  баспасөз қызметі.

Төтенше жағдай тәртібін бұзған компьютерлік клуб басшысы жазаланды

Алматы облысында төтенше жағдай тәртібін бұзған компьютерлік клуб иесі әкімшілік жауапкершілікке тартылды, деп хабарлайды TINFO.KZ өңірдің Полиция департаментіне сілтеме жасап. Тәртіп сақшылары Кербұлақ ауданының орталығы Сарыөзек кентінде түнгі мезгілде патрульдеу барысында төтенше жағдайға байланысты тыйым салынғанына қарамастан жұмыс жасап тұрған виртуальды ойын клубын анықтаған. Тексеру барысында клубта 10 астам адамның болғаны белгілі болды. «Еліміздегі төтенше жағдайға байланысты көңіл-көтеру орындарының, оның ішінде ойын клубтарының, түнгі клубтардың және компьютерлік клубтардың қызметіне толығымен шектеу қойылған. Дегенмен, 1984 жылы туған жергілікті тұрғын қойылған талаптарды бұзғаны анықталды. Құқық бұзушыға түсіндіру жұмыстары жүргізіліп, ҚР ӘҚбК 476-бабының 3-тармағына сәйкес әкімшілік хаттама толтырылды»,- деп хабарлайды Алматы облысы ПД баспасөз қызметі. (adsbygoogle = window.adsbygoogle || []).push({}); Аталған дерекке қатысты іс материалдары сотқа жолданып, құқық бұзушыға 10 АЕК мөлшерінде, яғни 26510 теңге айыппұл салынды. Фото: Алматы облысы Полиция департаментінің баспасөз қызметі.

Қазақстанның тоғыз қаласында биологиялық қорғаныс бөлімшелері дезинфекциялау жұмыстарын өткізуде

Төтенше жағдай жарияланған алғашқы күннен бастап Нұр-Сұлтан, Алматы, Шымкент, Ақтау, Ақтөбе, Атырау, Қарағанды, Қызылорда мен Тараз қалаларында орналасқан құрылыс нысандары мен оларға қарасты аумақтардың Қарулы Күштері биологиялық қорғаныс бөлімшелерінің әскери қызметшілері арнайы залалсыздандыру жұмысын атқаруда. Әскери қызметшілерді жауынгерлерді жаппай жою қаруынан ұрыс алаңында қорғаумен айналысатын азаматтық қорғаныс жұмыстарына тарту – бұл қажеттілік болып табылады. ҚР Президенті – Қарулы Күштердің Жоғары Бас қолбасшысының тапсырмасына сәйкес дезинфекциялау жұмыстарының аумағы кеңейтіліп, биологиялық қорғаныс бөлімшелерінің саны арттырылды.   Нұр-Сұлтан қаласында дезинфекциялау жұмысы қалай жүргізіліп жатқандығы туралы қорғаныс министрі Нұрлан Ермекбаев тексерді. Әңгімелесу барысында ол әскери қызметшілердің Қазақстан азаматтарының денсаулығы мен амандығын сақтауда атқаратын жұмыстары маңызды және ауқымды екендігін айта өтті. «Әскерилердің ерекшеліктері – бейбіт кезде істері көрінбей, қиын кезеңде көмекке келетіні болып табылады», – деді Нұрлан Ермекбаев сапта түзелген сарбаздар мен сержанттарға өз назарын аударып. Елімізде қажетті шаралар жасалып, инфекцияға қатысты жағдай бақылауға алынған, бірақ біраз жинақталып, ұстамдылық таныту қажет. «Сіздерге тек басшылықтың ғана емес, туған-туыс, дос және барлық қазақстандықтардың назары аударылып, құрмет, сенім және түсіністікпен қарауда», – деді министр. (adsbygoogle = window.adsbygoogle || []).push({}); Әскери қызметшілердің өздерінің денсаулықтарының қауіпсіздігі де аса мән беру керек. Бір жауынгердің ғана сырқаты бөлімшенің ғана емес, бүкіл әскери бөлімнің жауынгерлік әзірлігіне нұқсан келтіруі мүмкін. Әскерилерге барлық санитарлық-гигиеналық нормалардың талаптары қатаң сақталып, індеттің алғашқы белгілерін білу және олар анықталған кезде басшылыққа жедел түрде баяндау жөнінде ескертілді. Әскерилердің физикалық белсенділікті ескеріп, жеке құрамның тамақтану рационын қайта қарастырып, денсаулықты қалыпты жағдайда сақтау үшін витаминдерді беруді ұйымдастыру тапсырылды. Әскери қызметшілердің күн сайынғы моншаға баруы, киімдердің арнайы құралдармен тазалап, жеке гигиена құралдарымен уақытылы қамтамасыз етулілері ұйымдастырылған. Жұмыс барысында әскери қызметшілердің далада көп уақыт өткізулеріне байланысты секторлар бойынша арнайы биодәретханалар мен әкімшілік ғимараттарға кіруге мүмкіндік беру мәселесі қарастырылуда. Жұмыс ерітіндісінің дайындау әдісін сақтау тапсырылып, экологиялық зақым келтіруді жою тапсырылды. Дезинфекциялауға жататын нысандар мен аумақтарды толықтай өңдеу ескертілді. Одан басқа құралдарды ауыстыру мен жөндеу жұмыстарын жүргізу мәселесі шешілуде. Қорғаныс ведомствосының басшысы өз атынан әскери қызметшілерге қызметтері үшін, оның ішінде түнгі уақытта ауқымды қала нысандарын дезинфекциялауға, қала маңына жақын орналасқан ауыл аймағын арнайы өңдеу жұмысына қатысқандары үшіна алғысын білдірді.ҚР Қорғаныс министрлігінің баспасөз қызметі

Жаркентте медицина қызметкерлеріне құрмет көрсетті

Бүгін Алматы облысы Панфилов ауданындағы орталық аурухананың жұқпалы аурулар бөлімінің 35 қызметкеріне жеке кәсіпкер азық-түлікпен көмек көрсетті, деп хабарлайды TINFO.KZ Панфилов ауданы әкімінің баспасөз қызметіне сілтеме жасап. Осылайша кәсіпкер Ұлан Сарпеков «Біз біргеміз» республикалық акциясына қолдау білдірді. «Президентіміз бастаған акция әзір еліміз бойынша қолдау табуда. Кәсіпкер ретінде менде қолымнан келгенше көмек көрсеттім. Алдағы уақытта да жалғасын табатын болады. Осы орайда жанға араша болып еңбек етіп жатқан медицина қызметкерлеріне алғыс білдіремін»,- деді кәсіпкер. (adsbygoogle = window.adsbygoogle || []).push({}); Аудандық жұқпалы аурулар бөлімінің қызметкерлері бүгінге дейін карантинде жатқан 197 адамдарға қызмет көрсеткен. Қазір барлығы бақылауда. Айта кету керек, Панфилов ауданына әзірге екі санитарлық бекет орнатылды. 24 сағат жұмыс істеп жатқан арнайы мамандарға аудан әкімдігінің қызметкерлері ыстық тамақпен қамтамасыз етіп, қолдау көрсетуде. Фото: Панфилов ауданы әкімінің баспасөз қызметі.

Алматы облысы: коронавирус індетінің алдын алуға бағытталған 10 шара

Бүгінгі күні бүкіл әлем COVID-19 індетімен күресуде. Барлық ауқымды іс-шаралар коронавирустан сақтанудың амалын жасап жатқан азаматтар мен мемлекеттік қызметтерді қолдауға арналған.Ал Алматы облысына карантин қалай әсер етеді?! Аймақ басшысы Амандық Баталов тапсырған коронавирус індетіне қарсы облыс орталығында жүргізіліп жатқан 10 шараны сіздердің назарларыңызға ұсынамыз.1. Алматы облысының кәсіпкерлері Елбасы Нұрсұлтан Әбішұлы Назарбаевтың үндеуін қолдады. Өз мәлімдемесінде кәсіпкерлер коронавирусқа қарсы күресте ынтымақтастық туралы бастаманы толығымен бөлісетінін атап өтті. Мысалы, Болат Назарбаевтың "Салиқалы ұрпақ" қоры COVID-19 вирусымен күресу үшін 150 миллион теңге қаражатты бөлді. Өз кезегінде, "SODUL development" компаниясы Алматы қаласында коронавирусқа қарсы күреске белсенді қатысатын медициналық мамандарға, ІІМ, ТЖ және басқа да салалардың қызметкерлеріне 18 мың этил спиртін жіберді.2.​Алматы қаласының шыға берісіне 16, Ал Талдықорғанда тәулік бойы жұмыс істейтін 4 санитарлық бекет орнатылды. Алматы маңындағы блокпостарда көлік пен жүк дезинфекцияланады. Мұнда тәулік бойы полиция нарядтары мен СЭС қызметкерлері кезекшілік етеді. Кезекшілер тепловизорлармен, медициналық маскамен және арнайы костюмдермен толық қамтамасыз етілген. Сонымен қатар, облыстың денсаулық сақтау басқармасы күзет орындарында кезекшілік ететін құқық қорғау органдары мен әкімшілік құрылымдардың қызметкерлеріне арналған медициналық маскалар қойылған.3. Коронавирустың таралу қаупіне байланысты Алматы облысының медициналық мекемелері жоғары дайындық режимінде жұмыс істейді. Облыс бойынша Коронавирустық инфекция диагнозы бар пациенттерді емдеу үшін 150 жұқпалы ауруларға арналған төсек, 800 провизорлық және 1217 карантиндік (обсервация) төсек-орын дайындалды. Қажет болған жағдайда жатын орын саны ұлғайтылады (11 217-ге дейін). Амбулаториялық және стационарлық деңгейде 38 инфекционист, 143 анестезиолог-реаниматолог, 8 нефролог, 12 трансфузиолог, 98 невролог және 447 терапевт дәрігерлер жұмыс істейді. Орталық аудандық ауруханаларда коронавирус туралы жалған ақпаратты анықтау бойынша мобильді топ құрылды. 17 ауданда және 2 қалада бір командадан жұмыс істейді, Олар барлық түскен сұрақтарға жауап береді. Қорытынды жасай отырып, осы өңірде барлық медициналық мекемелерде маскалар мен дәрі-дәрмектердің жеткілікті саны бар, сондай-ақ олар күшейтілген режимдеқызмет атқарады.4. Алматы қаласында жүктілік бойынша есепте тұрған әйелдер қазіргі уақытта тұрып жатқан Алматы облысының кез келген медициналық мекемесіне кедергісіз жатқызылуы мүмкін. Сондай-ақ, Алматы қаласының шекаралас аудандарының гемодиализ (созылмалы бүйрек жеткіліксіздігі) диагнозы бар пациенттерді аудандық жедел медициналық жәрдем ауруханасынан Алматы көпсалалы клиникалық ауруханасына жеткізеді.5. "Қорғас" ШЫХО жабылуы ұзартты. Алматы облысының бас мемлекеттік санитарлық дәрігері Қ. Баймұхамбетов "Алматы облысында коронавирустық инфекцияның әкелінуі мен таралуына жол бермеу шараларын күшейту туралы" қаулы қабылдады. Бұл қаулыда "Қорғас" ШЫХО жұмысын ағымдағы жылдың 15 наурызынан бастап облыстың бас мемлекеттік санитарлық дәрігерінің ерекше өкімі шығарылғанға дейін тоқтата тұру туралы айтылған. Сондай-ақ қаулыға сәйкес барлық өндірістік үй-жайларда күшейтілген санитарлық-дезинфекциялық режим енгізіледі. Азаматтар көп және ұзақ уақыт болатын ғимараттарда қолды өңдеуге арналған дезинфекциялық құралы бар арнайы аспаптар (санитарайзерлер) орнатылады.6. Қазақстан-қытай шекарасындағы өткізу пункттерінде бақылау күшейтілді. Атап айтқанда, әрбір фура Мұқият дезинфекцияланады, ал жүргізушілер санитарлық тексеруден өтеді. Өңірде барлығы 6 кеден бекеті бар. "Нұр Жолы" өткізу пунктіне келетін әрбір фура кемінде екі рет дезинфекциялаудан өтеді. Бұл тек машина шанағы. Сондай-ақ, мамандар жүк көлігінің кабинасын мұқият өңдейді. Қазіргі уақытта өткізу пунктінде 20-ға жуық термометрия аппараты бар.7. Алматы облысындағы блок-бекеттерді кесіп өту әрекеті үшін 26 азамат қамауға алынды. Ұсталған азаматтарға қатысты ҚР ӘҚБтК-нің 476-бабының 1-бөлігіне сәйкес әкімшілік құқық бұзушылық туралы хаттамалар жасалды. Сонымен қатар, мамандандырылған ауданаралық әкімшілік соттың қаулысымен аталған тұлғаларды әкімшілік қамауға алу туралы шешім шығарылды.8. Өңірде азық-түлік және өзге де тауарлардың бөлшек бағалары мен қорына күнделікті мониторинг жүргізілді. Бүгінгі таңда облыста әлеуметтік маңызы бар азық-түлік тауарларының саны жеткілікті. Алматы облысының тұрақтандыру қорының жұмысы және әлеуметтік маңызы бар азық-түліктерді әлеуметтік дүкендер арқылы сату жандандырылды. Жалпы сомасы 1063,3 млн.теңгеге 8626,4 тонна көлемінде азық-түлік тауарлары сатылды. Облыстың тұрақтандыру қорында қазіргі азық-түлік тауарлары 2364,8 тоннаны құрайды, оның ішінде бидай ұны, құмшекер, күріш, күнбағыс майы, рожки, пияз және картоп.9. "NurOtan" партиясының басшылығымен белсенділер мен еріктілер Алматы облысының көп балалы отбасыларына азық-түлік және гигиена құралдары бар тегін әлеуметтік пакеттерді жеткізеді. Жұмыс Облыс бойынша жүргізіледі, өтініштер "онлайн" режимінде қабылданады. Бүгінгі күні " Біз біргеміз" акциясы аясында 581 отбасына 7 млн.835 мың теңге көлемінде көмек көрсетілді.10. Жұмыспен қамтудың жол картасы аясында Алматы облысында 27,3 мың жұмыс орнын құрумен 1 240 жоба іске асырылатын болады. Өңірде "Жұмыспен қамтудың жол картасы" 4 бағыт бойынша жүзеге асырылады. Біріншіден, бұл әлеуметтік нысандарды күрделі жөндеу, қайта жаңарту. Мысалы, тек білім беру саласында 88 нысан күрделі, ағымдағы жөндеуге жатады, ал 351 мектепте сыртқы дәретханаларды жою керек. Жалпы әлеуметтік-мәдени салада 31,8 млрд. теңгеге 491 жоба іске асырылатын болады. Екіншіден, тұрғын үй-коммуналдық шаруашылық объектілерін ағымдағы, орташа, күрделі жөндеу және қайта жаңарту. Осы бағыт бойынша 79 нысан бойынша 5 мыңға жуық жұмыс орнын құру керек оған 20 млрд.теңге қарастырылған. Үшінші бағыт, бұл инженерлік-көлік инфрақұрылымын күрделі, орташа, ағымдағы жөндеу және қайта жаңарту. Мұнда 547 нысан бойынша 8 500 мың жұмыс орнын құрылмақ, осыған 34,2 млрд.теңге бөлінбек. Төртінші бағыт-елді мекендерді абаттандыру. Барлығы 153 нысанды 17 млрд. теңгеге жаңартпақ. Сонымен қатар, ирригациялық желілерді қайта жаңартуға 6,2 млрд. теңге қарастырылған. (adsbygoogle = window.adsbygoogle || []).push({}); Соңғы пункт туралы бүгін селекторлық режимде өткен кеңес барысында белгілі болды. Өңір басшысы "Жұмыспен қамту жол картасы" бағдарламасының маңыздылығын атап өтті»:"Өздеріңіз білетіндей, Мемлекет Басшысы Қасым-Жомарт Тоқаев 23 наурызда Төтенше жағдай жөніндегі мемлекеттік комиссияның отырысында "Жұмыспен қамтудың Жол картасын" жүзеге асыру үшін 1 трлн.теңге бөлуді тапсырды. теңге. Оның ішінде Алматы облысына 109,2 млрд.теңге бөлінді. Бұл біздің өңір үшін өте маңызды және қажетті қаражат. Бірінші кезекте халықты жұмыспен қамту мәселесін шешу маңызды. Өйткені коронавирусқа байланысты облыстың көптеген тұрғындары жұмыссыз қалды. Олардың отбасыларына жағдай жасап, жаңа жұмыс орындарын ашу қажет. Бұған дейін жұмыс жасауға осындай орасан зор қаражат бөлінген жоқ. Сондықтан біз оларды бөлгенде жауапкершілікпен қарауымыз керек. Есепті кездесу, жеке қабылдаулар кезінде тұрғындар жүгінген облыстың аудандары мен қалаларына да қаражат бөлеміз. Тұрғындардың барлық өтініштерін талдап, бөлінген қаражатқа маңызды және қажетті жобаларды жүзеге асыру қажет. Жолдарды жасау, әлеуметтік нысандарды жөндеу және т.б., - деп атап өтті А. Баталов.

Шамалғанда көкпар ұйымдастырған тұрғын жауапкершілікке тартылды

Алматы облысы Шамалған ауылында көкпар ұйымдастырған тұрғын жауапкершілікке тартылды, деп хабарлайды TINFO.KZ. Жаяу жүргіншілер мен көлік жүргізушілерге қауіп төндіріп, көшеде көкпар тартқаны туралы бейнежазба тараған. Оқиға 23 наурыз күні сағат 17.00 шамасында Шамалған ауылының Жібек жолы көшесінде түсірілгені белгілі болды. Ұлттық ойынның ұйымдастырушысы ретінде 27 жастағы жергілікті тұрғын анықталды. «Ол жасаған әрекеті бойынша құқық бұзушының қазіргі төтенше жағдайдың ауқымдылығы мен маңыздылығын сезінбегені белгілі. Оның сөзінше, ол көкпарды «Наурыз мерекесіне» орай ұйымдастырған. Дегенмен, елімізде төтенше жағдай жарияланғанын біле тұра, ол қоғамдық шараға ұйытқы болған. Сонымен қатар, ұлттық ойын елдімекендегі жолдың бойында ұйымдастырылған, яғни ол заңнама талаптарын өрескел бұзу болып табылады»,- деп хабарлады Қарасай АПБ бастығы полиция полковнигі Асхат Данияр. (adsbygoogle = window.adsbygoogle || []).push({}); Аталған оқиға бойынша ҚР ӘҚбК 476-бабына сәйкес, яғни «Төтенше жағдай тәртібін бұзу» дерегі бойынша әкімшілік өндіріс қозғалып, нақты процессуалдық шешім қабылдау үшін материал ауданаралық сотқа жолданды. Фото: Алматы облысы ПД баспасөз қызметі.

Діни басқарма жұма намазына қатысты мәлімдеме жасады

Қазақстан мұсылмандары діни басқармасы коронавирустың жамағат арасында таралуының алдын алу шарасы ретінде жұма намазына байланысты мәлімдеме жасады, деп хабарлайды TINFO.KZ. (adsbygoogle = window.adsbygoogle || []).push({}); Жұма намазынан бұрын айтылатын 30 минуттық уағыз 20.03.2020 жылдан бастап уақытша тоқтатылады; Намаз уақыты кіре сала азан айтылады, 4 ракағат сүннет өтеліп, жұма намазының 2 ракағат парызы қысқа сүремен оқылады; Жұма намазының парызынан кейін оқылатын 4 рәкағат сүннетті үйде оқуға кеңес береміз; Намаздан кейін тәсбих тартылмайды, Құран оқылмайды, имам қысқа дұға жасайды; Намаздан кейін жамағат қол беріп «Жұма қабыл болсын» деп амандаспайды; Мешітке бетперде (маска) киіп келу; Намаздан кейін көп кідірмей мешіттен шығу; Жұма намазға балиғатқа толмаған балаларды алып келмеу; Жұма намазға денсаулығы жарамайтын қариялар, науқастар мен әйелдердің қатыспағаны абзал; Ауа-райы қолайлы аймақтарда жұма намазын мешіт ауласында оқуға рұқсат. Барша мұсылман қауымын осы жағдайларға түсіністікпен қарауға шақырамыз. Бұл мәлімдеме ағымдағы жылдың 13 наурызынан бастап күшіне енеді.

«Бақытты отбасы» бағдарламасына өтінім қабылдау басталды

«Бақытты отбасы» бағдарламасы бойынша несиелік өтінімдерді қабылдау басталды, деп хабарлайды TINFO.KZ. Алматы облысының энергетика және тұрғын үй-коммуналдық шаруашылық басқармасының ақпаратынша, биыл аталған бағдарламаны жүзеге асыру үшін бюджет тарапынан бөлінетін лимит мөлшері екі есеге ұлғайтылды. Қолжетімді заемдар осы жылы шамамен 600 отбасыға беріледі. Жергілікті әкімдіктен отбасының мәртебесін (көп балалы, толық емес, мүмкіндігі шектеулі баласы бар отбасы) растайтын жолдаманы алған соң Банкке құжаттар тапсыру үшін келіп, заем алуға өтінім беру керектігін естеріңізге саламыз. (adsbygoogle = window.adsbygoogle || []).push({}); Заем мөлшерлемесі бұрынғысынша жылдық 2%-ды құрайды, бастапқы жарна –10%. Биылғы жылы енгізілген басты өзгеріс – енді ол күнкөріс минимумының мөлшеріне сәйкес есептелінетін болады. Талаптарға сай, жеңілдетілген заем алу үшін әр отбасы мүшесіне келетін табыс мөлшері соңғы алты айда ай сайын екі күнкөріс минимумынан, яғни, 62 366 теңгеден аспауы қажет. Яғни, бұған дейін осы талапқа сай келмеген отбасылар осы жылы бағдарламаға қатысып, қоныс тойын тойлай алады. Өткен жылы осы бағдарлама 500 отбасының тұрғын үй мәселесін шешуге септігін тигізді. Бұған қоса тағы 70 отбасы несиелері бойынша мақұлдау алып, болашақ баспанасын іздестіріп жатыр.

Амандық Баталовтың қабылдауына жазылыңыз

12 наурыз күні сағат 10.00-де Алматы облысының әкімі Амандық Баталов тұрғындарды жеке мәселесі бойынша қабылдайды, деп хабарлайды TINFO.KZ. Қабылдау «Nur Otan» партиясы Алматы облыстық филиалының қоғамдық қабылдау бөлмесінде өтеді. (adsbygoogle = window.adsbygoogle || []).push({}); Фото: Интернет.

Жетісулықтар Жақсылық Үшкемпіровтың жүлдесін жеңіп алды

Алматы облысының төрт спортшысы Ж.Үшкемпіровтың жүлдесіне арналған грек-рим күресінен республикалық турнирдің жүлдегерлері атанды, деп хабарлайды TINFO.KZ. Айта кетейік, ШҚО Семей қаласында 5-8 наурыз аралығында грек-рим күресінен республикалық жарыс өтті. (adsbygoogle = window.adsbygoogle || []).push({}); Оның нәтижесі бойынша жетісулық Мадияр Маулитканов «Үшкемпіров турнирінің» бірінші орнын жеңіп алды.  Алматы облысының спортшылары Абай Оразалы 2-орын, Ерасыл Нұрбосынов және Ернұр Оразбаев 3-орынға иеленді. Фото: www.instagram.com/zhetysu_jogargy_sport/

Талдықорғанда аналарға «Алтын жүрек» медалі табысталды

Талдықорғанда үш анаға жасөспірімдерге білім беру және өнегелі ұрпақ тәрбиелеуге сіңірген ерекше еңбегі үшін арнайы «Алтын жүрек» медалі табысталды, деп хабарлайды TINFO.KZ қала әкімдігіне сілтеме жасап. Атап айтсақ, бұл жолғы мәртебелі марапатқа «Айналайын» балалар үйінің директоры Жадыра Сейсембаева, білікті тәрбиеші Майра Бейісбекова және үнемі қайырымдылық шараларына атсалысып жүрген іскер ана Айман Тәліпова ие болды. Табысталған марапатты беру шешіміне Халық Қаһарманы, генерал-лейтенант, Қазақстан Республикасы Мәжілісінің депутаты Бақытжан Ертаевтың қолы қойылған. (adsbygoogle = window.adsbygoogle || []).push({}); Қала әкімдігінде өткен марапаттау салтанатына Алматы облысы бойынша Әдеп жөніндегі уәкіл Ғалиасқар Сарыбаев, қалалық мәслихаттың хатшысы Темірболат Ахажанов, қала әкімінің орынбасары Сәуле Арзанбекова, ішкі саясат бөлімінің басшысы Әділет Рымтайұлы және аймақтағы Ауған соғысы ардагерлері кеңесінің төрағалары қатысты. Фото: Талдықорған қ. әкімдігі.

Алтын бесік балабақшасында Ерте жас «Балапан» тобына арналған алғашкы 8 - наурыз мерекесі өтті.

2020 жылғы 2 наурыз күні «8-наурыз – Халықаралық әйелдер күні» мерекесі қарсаңында «Алтын бесік» ясли балабақшасының ұйымдастыруымен өткізілген ерте жас «Балапан» тобына арналған алғашкы  8 - наурыз мерекесі ата-аналар мен балаларға тамаша көңіл күй сыйлады.  Қазақ халқы қай уақытта болмасын, ұрпақ тәрбиесін ұлттың тағдыры, ұлттың болашағы деп білген. Сондықтан тәрбие мәселесіне көңіл бөліп, болашақ ұрпақты саналы тәрбиелеу үшін тиімді әдіс-тәсілдерді қолданып, қарастыру әрбір ұжымның тапқырлығы мен іскерлігін, ізденімпаздығы мен шығармашылығын талап етеді. Балабақша – барлық тәр¬бие мен білімнің ең алғаш¬қы баспалдағы іспеттес.  Осы орайда қаламыздағы «Алтын бесік» ясли балабақшасындағы тәжірибелі педагогтар бүлдіршіндердің танымын кеңейтіп, бірлікке, ынтымаққа, достыққа шақырып, білімдерін ән-бимен, өлеңмен ұштастыруда. Олардың туған жерін сүюге, өз елінің патриоты болып өсуіне барынша жағдай жасалған. Балабақша да әр кез мерекелік шаралар  жоғары деңгеймен өтеді. 2020 жылғы 2 наурыз күні «8-наурыз – Халықаралық әйелдер күні» мерекесі қарсаңында өткізілген ерте жас «Балапан» тобына арналған алғашкы  8 - наурыз мерекесі ата-аналар мен балаларға тамаша көңіл күй сыйлады.  Көктемнің нұрындай гүл қыздар,Сәбилер жанып тұрған жұлдыздар.Ата, Әже, Аналармен гүл қыздар,Көгімдегі жұлдыз болып жаныңыздар (adsbygoogle = window.adsbygoogle || []).push({}); Қыр гүлі бәйшешекте гүлденсін,Айналап құлпырып бір түрленсін.Біздің мынау сәби бала-бақшаға,Құшақ жая көктем ана бір енсін. Алтын бесік біздің бала бақшамыз,Соған арнап жырдан шашу шашамыз.Бұл мереке баршамызға қуаныш,Қуанышты барша жанға арнаймыз. Әйгеріммен Жазира дай апайлар,Тәрбиеші, Көмекші аналар.Балапандар бізге сондай бақытты,Біздер ана, сәбилер бақ саналар Ата-аналар атынан құрылтайшымыз Гүлім Жұлыноваға, Гүлбану Зайнуллина басқаратын еңбекқор ұжымға шын жүректен рахметімізді айтқымыз келеді. Кішкентай балапандарымызды қанат қақтырып, жол ашып жатқан тәрбиешілеріміз Жазира Мейренбаева мен Айгерім Қойдисанова, көмекшісі Еркенай Баткалбекова ханымдарды ерекше атап өткіміз келеді. Осынау көктеммен бірге келетін мерекелік көңіл-күй Сіздердің сергектіктеріңіз бен күш-жігерлеріңіздің қуат көзіне айналсын. Дендеріңізге саулық, көңілдеріңізге шаттық, бақыт, қуаныш, отбасыларыңызға құт-береке, ауызбірлік пен тыныштық тілейміз.

«Құлшылықты үйде орындауға кеңес береміз!»: Діни басқарма коронавирусқа қатысты мәлімдеме жасады

Қазақстан мұсылмандары діни басқармасы коронавирусқа қатысты мәлімдеме жасады, деп хабарлайды TINFO.KZ. Бүгінде бүкіл әлем халқына коронавирус қаупі үрей сеуіп, дерттің өзінен гөрі күннен күнге өршелене түскен дақпырты мен дабылы дүние жүзін дүрліктіруде. Жаңалықтан да еститініміз, жан-жақтағы жұрттың көбі шекарасын қымтап, қауіптің бетін алған бірқатар сақтық шаралары жүзеге асырылған. Құдайға шүкір, аталмыш дерттің біздің елімізде белгісі де жоқ, шеттен келген азаматтарымыз дін аман. Алайда «Сақтансаң – сақтаймын» демекші, төрткүл әлемге түгел қауіп төндірген дертке немқұрайлық танытып, немкетті қарау – өзіміз үшін ғана емес, жанымыздағы жандардың өміріне де әсерін тигізері бек мүмкін. Осы орайда Қазақстан мұсылмандары діни басқармасы еліміздің әрбір азаматын қоғамдық орындарда тазалық ережелерін сақтап, өз денсаулықтарына асқан мұқияттылықпен мән беріп, сақтанып жүруге шақырады. Алла Тағала қасиетті Құранда адамзат баласына: «Өздеріңді өз қолдарыңмен қауіп-қатерге салмаңдар», – деп ескерту жасаған. Алла берген аманат – өз өміріміз бен денсаулығымызға дұрыс күтім жасамай, қауіп-қатерге көзсіз ұрынар болсақ, түбінде опық жейтініміз сөзсіз. (adsbygoogle = window.adsbygoogle || []).push({}); Бұл туралы Алла елшісі (оған Алланың салауаты мен сәлемі болсын) өзінің бір өсиетінде:«Кімде-кім есінесе қолымен аузын жапсын, өйткені зиянды нәрселер аузына кіреді», – деп бұйырған. Сондай-ақ шариғатта жұқпалы аурулардың жай көзге көрінбейтін зиянды күші барын, білінбей тарайтынын және аурудың етек алуын тоқтатуда карантин қажет екені атап айтылған. Өйткені Пайғамбарымыз (оған Алланың салауаты мен сәлемі болсын) адам баласының өзіне де, өзгеге де зиян келтуруіне қатаң түрде тыйым салған.                                                                     Құрметті, отандастар! Сізде жөтел пайда болып, бойыңызда дене қызуының жоғарылауы байқалса немесе тыныс алу қиынға соққан жағдайда дер кезінде дәрігерге жүгінуге, сондай-ақ қоғамдық орындарға, тіпті мешітке келуді тоқтатып, құлшылықтарыңызды үйлеріңізде орындауға кеңес береміз! Алла Тағала елімізді, халқымызды түрлі пәледен, аурудан, тіл-көзден сақтағай! Әмин!  

8 және 22 наурызда қазақстандықтар қалай демалады

Наурыз айында қазақстандықтарды екі ресми мереке – Халықаралық әйелдер күні және Наурыз мейрамын мерекелейді, деп хабарлайды TINFO.KZ. 8 наурыз жексенбіге тура келгендіктен, 9 наурызда, яғни дүйсенбі күні де демалыс болады. Ал Ұлыстың ұлы күніне орай қазақстандықтар 21-25 наурыз аралығында демалады. (adsbygoogle = window.adsbygoogle || []).push({}); Фото: Интернет.

Жетісулық спортшылар өткен жылы 2537 медаль жеңіп алды

Бүгін облыс әкімі Амандық Баталов өңірдегі спорт саласының үздіктерін марапаттады. Олардың арасында XXXII жазғы Олимпиада ойындарына жолдама алғандар, 2019 жылы өткен Әлем және Азия Чемпионаттарының жүлдегерлері, жаттықтырушылар мен журналистер де бар. Соның ішінде, әсіресе, балалар мен жасөспірімдер арасында өткен Әлем чемпионаттарында топ жарған Алматы қаласындағы Алматы облыстық № 1 балалар үйі тәрбиеленушілерінің жеңістерін облыс әкімі ерекше ықыласпен атап өтіп, жылы лебізін білдірді, деп хабарлайды TINFO.KZ Алматы облысы әкімінің баспасөз қызметіне сілтеме жасап. Салтанат сарайында өткен шарада 2019 жылы облыстың спортта жеткен жетістіктері сараланып, қорытындысы паш етілді. Бұл туралы фойеде ұйымдастырылған көрмеде және көпшілікке ұсынылған бейнефильмде егжей-тегжейлі баяндалды. Бұдан соң сөз алған облыс әкімі Амандық Баталов өңірдегі спорт саласының бүгінгі бағыт-бағдары, қолдау шаралар жайлы қысқаша айтып өтті. Сонымен қатар өз сөзінде «Жетісу» футбол клубының жыл қорытындысын 5-ші орынмен аяқтап, жақсы ойын көрсеткеніне, сол сияқты волейболдан «Жетісу» әйелдер командасының да жеңісті жолдарына тоқталды. Көгалдағы хоккей, гандбол сияқты басқа да спорт түрлеріндегі жетістіктер көңіл қуантады. Облыс әкімі, әсіресе, зор табыстарға жеткен Алматы қаласындағы Алматы облыстық № 1 балалар үйі тәрбиеленушілерінің жеңістерін ыстық ықыласпен атап өтті. «Балалардың қазірден-ақ өмірдегі бағыт-бағдарын айқындап, өз жолын тапқаны мені ерекше қуантады», - деді облыс басшысы. Жалпы спортшылардың тынымсыз еңбекке толы өмірі, қиын да жеңісті жолы қашанда өскелең ұрпаққа үлгі екенін айтты. Марапаттау барысында «Жылдың ең үздік спорт мекемесі» атанған Талдықорған қаласының дене шынықтыру және спорт бөліміне, № 1 мамандандырылған балалар мен жасөспірімдер спорт мектебіне және федерациялар арасында үздік деп танылған Алматы облысының волейбол федерациясына облыс әкімінің дипломы мен 500 мың теңгенің ақшалай сертификаты табысталды. (adsbygoogle = window.adsbygoogle || []).push({}); Сол сияқты Халықаралық жарыстарда жоғары нәтижелерге қол жеткізгені үшін 50-ге жуық спортшы мен 20-дан астам жаттықтырушыға, спорт тақырыбын насихаттаушы БАҚ өкілдеріне де 150-300 мың теңге көлеміндегі ақшалай сыйлық сертификаттары берілді. Марапатқа ие болғандардың дені - Әлем және Азия чемпионаттарының, паралимпиадалық Әлем чемпионаттарының жүлдегерлері. Салтанатты шарада облыстық жоғары спорт шеберлігі мектебінің директоры Нүркен Нұратов, «Жетісу» газетінің тілшісі Ришат Тұрғанбайұлы, волейболдан Қазақстан Республикасының спорт шебері, ҚР Кубогының иегері Әлия Баткулдина спортшыларды құттықтап, облыс басшылығына қамқорлық шаралары үшін ризашылықтарын білдірді. Жалпы 2019 жылдың қорытындысы бойынша атап өтсек, Алматы облысының спортшылары 2537 медаль жеңіп алды, соның 906-сы – алтын, 709-ы – күміс, 922-сі қола. Бір жылда 1 еңбек сіңірген спорт шебері, 34 халықаралық дәрежедегі спорт шебері, 173 спор шебері, 998 спорт шеберіне кандидат, 922 бірінші разрядты спортшы дайындалған. Жыл сайын жергілікті бюджеттен 108 үздік спортшыға ай сайынғы стипендия төленіп отырады. Соның ішінде 28 спортшы – мүмкіндігі шектеулі жандар. Фото: Алматы облысы әкімінің баспасөз қызметі.

Әскери институтта суицидті алдын алу іс-шаралары өтті

ҚР Қарулы Күштерінде суицидті алдын алудың онкүндігі басталды, деп хабарлайды TINFO.KZ. Шаралар жеке және отбасы шиеленістерін ескерту, әскери ортадағы моральдық-психологиялық ахуалды жақсарту және өзіне-өзі қол жұмсау көріністеріне ықпал ететін себептер мен жағдайларды жою мақсатында ұйымдастырылды. «Әр адам өз өміріне ғана емес, жанында жүрген адамның өмірі үшін де жауапты. Оларға көмектесу әркімнің қолынан келеді. Жаныңызда жүрген адам туралы біліміңіз, оны тануға деген ұмытылысыңыз оның өмірін құтқарып қалуы мүмкін. Оның мінез-құлқы, жүріс-тұрысындағы өзгерістерден, суицидтік қорқытуларынан қауіптің белгісін байқауға болады, - деді Оңтүстік өңірлік әскери-тергеу басқармасының аға тергеушісі әділет майоры Рустам Курбанов Радиоэлектроника және байланыс әскери-инженерлік институтының тұрақты және ауыспалы құрамымен кездесу барысында.   (adsbygoogle = window.adsbygoogle || []).push({}); Адамның көңіл хошын көтеру, суицидтік қауіптің алдын алуда білікті мамандар сенімді көмек көрсете алады. Сол себепті әскери институттың психология қызметінің психологтары  бірқатар іс-шаралар ұйымдастырды. Атап айтсақ, әскери оқу орнындағы әскери қызметшілер және курсанттармен өзіне деген сенімділікті арттырып, күйзелістен арылту, әскери ұжымның ауызбіршілігін нығайту бойынша психологиялық тренингтер, өзін-өзі бағалауын көтеретін, өз тұлғасына шынайы қатынас, эмпатияны дамытатын топтық сабақтар ұйымдастырып, тиісті мамандарды шақырып, кездесу, лекция-семинарлар өткізді. Өз саласының білікті мамандары әскери қызметшілерге әлемде және елімізде орын алған жайттардан, оқиғалардан мысал келтіре отырып, толық ақпарат берді. Фото: РЭжБӘИИ баспасөз қызметі.