Войти через

  • 23:13:02
  • -4°C

Воскресенье, 17 ноября$ 388.07  € 427.54  ₽ 6.08

Көксу ауданында қызмет барысында қаза тапқан полицейлерге обелиск орнатылды

TINFO
TINFO
Служба новостей

Алматы облысы Көксу ауданының полицейлері қызметтік міндеттерін орындау барысында бақилық болған әріптестеріне арнап обелиск орнатып, олардың жарқын бейнелерін еске алды, деп хабарлайды TINFO желілік агенттігі, аудан әкімдігіне сілтеме жасап.

Аудан тұрғындары мен қызметке жаңа келген қызметкерлерге олардың адал анты жолында жанын құрбан еткен істерін үлгі етті.

Салтанатты шараға қайтыс болған қызметкерлердің жақындары, облыстық Полиция департаментінің бастығы Мұрат Ұрұмханов, аудан басшылығы, аудандық полицияның жеке құрамы және жергілікті тұрғындар қатысты.

«Алматы облысында 30 астам қызметкер қызмет атқару кезінде қайтыс болған. Біз олардың ерлік істері мен жарқын бейнесін ешқашан ұмытпаймыз. Олардың артында қалған отбасына қолымыздан келгенше қолдау көрсетудеміз. Бүгінгі ашылған обелиск олардың аласармас айбыны мен ел тыныштығы жолында құрбан болған ғұмырының мәңгілік белгісі болмақ. Біз оларды қашанда құрмет тұтамыз»,- деді полиция генерал-майоры Мұрат Ұрұмханов.

Көксу ауданында екі қызметкер міндет атқару кезінде қапияда қаза тапқан. Оның бірі – Ем Георгий Чан-Сикович 1993 жылы қандықол қылмыскердің қолынан қайтыс болса, екінші қызметкер Айдын Байсалбаев 2004 жылы күдіктілерді полиция бөліміне әкеле жатқанда жол-көлік оқиғасында бақилық болған.

Іс-шара барысында қатысушылар обелискке гүл шоқтарын қойып, қаза тапқан әріптестерін үнсіздікпен еске алды. Тәртіп сақшылары дәстүр бойынша аспанға мылтықтан оқ атып, қаза тапқан әріптестерінің айбынды бейнесіне құрмет көрсетті.

Сонымен қатар, Көксу ауданының полицейлері іс-шараға қатысушыларды қызметкерлер арналған тир, дене шынықтыруға арналған зал және тұрғындарға сапалы қызмет ету үшін ашылған жаңа фронт-кеңсені тамашалауға шақырды.

Фото: Көксу ауданының әкімдігі.

Добавить комментарий

Авторизируйтесь, чтобы комментировать