Войти через

  • 08:47:50
  • 25°C

Пятница, 14 августа

Алматы облысында зейнеткер әже ауруханаға тегін саумал жеткізеді

TINFO
TINFO
Служба новостей

Панфилов ауданы Шолақай ауылының тұрғыны  Мейрамгүл Мұқаева аудандық аурухананың провизорлық бөлімде ауырып жатқан науқастарға тегін саумал әкелуде, деп хабарлайды Tinfo.kz.

Көпбалалы ана күнде таңертең ауруханаға 10-15 литр саумал жеткізеді. Бұдан бөлек сауыншы апаның үйінен саумал ішетіндердің де қарасы көп.


«Қазір еліміз қиын кезді бастан өткізіп жатыр. Жерлестерім, жақындарым аурып жатқанда менің қолымнан келетін көмегім осы. Саумал барлық ауруға шипа. Сондықтан ауруханаға көмек етейін деп шештім», - дейді көп балалы ана.

Аудандық бас дәрігер Төлеу Сарпеков саумалдың науқастарға пайдасы бар екенін айтады.

«Қазір саумал келген бойда емделушілерге нормамен беріп жатырмыз. Осы орайда Мейрамгүл апамызға аурухана ұжымы атынан алғыс білдіремін»,- деді ол.

1964 жылдан бері бие байлап, саумалың емдік қасиетін пайдаланып келе жатқан сауыншы бес бала тәрбиелеп, немерелеріне жылқы малының пайдасын үйретумен келеді.

Это может Вас заинтересовать